İstanbula ən çox bu 3 ölkədən turist gəlib
2023-cü ildə Rusiyadan 2 milyona yaxın turist İstanbulu ziyarət edib və metropolis ziyarətində birinci yeri tutub.
Redaktor.az TASS-a istinadən xəbər verir ki, Türkiyə Turizm Nazirliyinin məlumatına görə, 2023-cü ildə İstanbulu ümumilikdə 17,3 milyon turist ziyarət edib.
Nazirliyin məlumatına görə, 2023-cü il İstanbula gələn xarici turistlər üçün rekord il olub ki, bu da bir il əvvəlki ilə müqayisədə 8,4% artım deməkdir. "Euromonitor International" İstanbulu 2023-cü ildə dünyanın ən çox ziyarət edilən şəhəri adlandırıb. London və Dubayı qabaqladığı qeyd edilir.
Türkiyə Turizm Nazirliyinin statistikasına görə, 2023-cü ildə İstanbula 1,99 milyon rusiyalı səfər edib. Almaniya vətəndaşları ikinci yerdədir - demək olar ki, 1,3 milyon, İran sakinləri - bir milyondan bir qədər çox.
Xarici turistlərin demək olar ki, 72%-i İstanbula hava yolu ilə gəlib, onlardan 12,1 milyonu şəhərin Avropa hissəsində yerləşən İstanbul Beynəlxalq Hava Limanına gəlib.
Turan İSMAYIL
Bizi Telegram-da izləyin...
