"Kurtlar Vadisi"nin aktyoru Bakıda görün nə açır... - 3 AY DAVAM EDƏCƏK / VİDEO
Türkiyənin məşhur seriallarından olan və Azərbaycanda da yetərincə izləyicisi olan “Kurtlar Vadisi”nin aktyoru, Güllü obrazı ilə məşhurlaşan Erhan Ufak paytaxtımızın qonağı olub.
Redaktor.az-a özəl açıqlama verən aktyor bildirib ki, Bakıya səfərinin əsas məqsədi Sənət Akademiyası açmaqla bağlıdır.
“Türkiyə-Azərbaycan dostluğunu daha da möhkəmləndirmək məqsədi ilə burada Sənət Akademiyası açmaq fikrindəyik. Azərbaycanda olan istedadlı gənclərin özgüvənini üzə çıxartmaq üçün əlimizdən gələni edəcəyik. Bakıda 3 ay müddətində aktyorluq kursları keçiləcək, Akademiyanı bitirənlərə sonda sertifikat veriləcək.
Aktyor bildirib ki, Sənət Akademiyasına qardaş ölkədən bir çox məşhur aktyorlar, rejissorlar qatılacaq.
Aysel Hacıyeva / Redaktor.az