Eden Hazard alman futbolçuların etirazını tənqid etdi: "Biz futbol oynamaq üçün buradayıq"
Xəbər verdiyimiz kimi, Almaniya millisi dünya çempionatında FİFA-nın qadağasından sonra ağızlarını bağlayaraq komanda şəkili çəkdirib. Yeddi Avropa ölkəsi də futbolçuların bu jestini dəstəkləyib.
Redaktor.az "independent"ə istinadla xəbər verir ki, Belçika millisinin hücumçusu Eden Hazard Almaniyanın "OneLove" yazılı sarğını taxmağa icazə verilməməsinə etirazını tənqid edib.
"Onlar bunu etməsələr və qalib gəlsələr daha yaxşı olardı. Biz futbol oynamaq üçün buradayıq, mən siyasi mesaj göndərmək üçün burada deyiləm. Biz futbol oynamaq üçün buradayıq", - E.Hazard deyib.
Xatırladaq ki, mundiala ev sahibliyi edən Qətərdə homeseksuallıq qadağandır.
Nərmin VÜQARQIZI
Bizi Telegram-da izləyin...
