İraqda 340 nəfər edam olunacaq

 10:59 24.01.2021     391

İraqın Prezident Administrasiyası terror aktlarının və qətllərin törədilməsinə görə ölümə məhkum edilmiş 340 nəfərin edamını təsdiqləyib.

Redaktor.az xəbər verir ki, qərar bütün konstitusiya və hüquqi aspektlərin öyrənilməsindən və şikayətlərin verilmə vasitələrinin başa çatmasından sonra qəbul edilib.

Bu şəxslərin edamı Bağdadda 21 yanvarda törədilmiş və 32 nəfərin həlak olması, 110 nəfərin yaralanması ilə nəticələnən terror aktı ilə bağlıdır.

İŞİD terror təşkilatı ilə əlaqədə olan məhkumlar İraqda terrorizmlə mübarizə haqqında qanunun 4 maddəsi üzrə ittiham edilirlər. İraq qanununa əsasən, terror aktları törədən və ya terror təşkilatına üzv olan şəxsləri ölüm cəzası gözləyir.

Ölkə Konstitusiyasına görə, ölüm cəzasının icrası üçün prezidentin təsdiqi lazımdır. //Report