Bakının iki rayonunda qaz KƏSİLƏCƏK
Bakının Xəzər və Xətai rayonlarının qaz təchizatında fasilə yaranacaq.
Bu barədə Redaktor.az-a “Azəriqaz” İstehsalat Birliyindən məlumat verilib.
Bildirilib ki, bu gün (08.05.2024-cü il tarixdə) saat 08:00-dan "Mayak-2" qaz kəmərinin hava kompressoru vasitəsi ilə kipliyə sınaq olunması, saat 10:00-dan Xətai rayonu, Lütfi Zadə küçəsində yeraltı qaz xəttində aşkar olunmuş qaz sızmasının aradan qaldırılması, “1 May qəsəbəsi” və “Pirallahı Yeni” qaz ölçü qovşaqlarında mövcud daraldıcı qurğuların sərfiyyata uyğun yeni daraldıcı qurğularla əvəzlənməsi məqsədi ilə qaz təchizatı dayandırılacaq.
Qaz təchizatı dayandırılan müddətdə Pirallahı (tam olaraq) və Xəzər rayonunun Şüvəlan (dənizkənarı yaşayış sahəsinin) qəsəbələrinin, Xətai rayonunun isə Lütfi Zadə küçəsinin qaz təchizatında fasilə yaranacaq.
Bizi Telegram-da izləyin...
