Magistral su xəttində qəza baş verdi

 12:33 13.05.2024     238

Naxçıvan şəhərində magistral su xəttində qəza vəziyyəti yaranıb.

Redaktor.az xəbər verir ki, qəza Naxçıvan şəhərinin 54-cü məhəlləsini su ilə təmin edən magistral xətdə qeydə alınıb.

Qəzaya səbəb kimi qaynaq birləşmələrinin uzun zamandır fəaliyyət göstərməsi və istismar müddətini başa vurması göstərilir. Borunun partlaması nəticəsində bəzi küçələrə suyun verilişi dayandırılıb.

Hazırda Naxçıvan Sukanalizasiya İdarəsinin əməkdaşları hadisə yerində təmir işləri aparırlar.

İdarədən məlumat verilib ki, qısa vaxt ərzində nasazlıq aradan qaldırılacaq və suyun verilişi bərpa olunacaq (report).