Musa Qasımlı növbəti dəfə seçicilərlə görüşdü - FOTO
23 noyabr tarixində Milli Məclisin sədr müavini Musa Qasımlı deputat seçildiyi 75 saylı Yardımlı-Masallı seçki dairəsində qəbul cədvəlinə uyğun olaraq növbəti dəfə vətəndaş qəbulu keçirib.
Redaktor.az xəbər verir ki, Masallı rayonunun Ərkivan qəsəbəsində keçirilən qəbulda vətəndaş müraciətləri dinlənilib, həllindən ötrü aidiyyəti qurumlara məktublar göndərilib.
Daha sonra rayonun Qəriblər və Qodman kəndlərinə gedən Musa Qasımlı burada seçicilərlə səyyar görüş keçirib, müraciətləri dinləyib. Qodman kəndində seçicilərin qaldırdığı məsələ yerində həll olunub, digər müaciətlər nəzarətdə saxlanılmaqla həllinə dair aidiyyəti üzrə addımlar atılır.
Prezident İlham Əliyevin vətəndaşların qəbul olunması və müraciətlərinə yüksək həssaslıqla yanaşılması barədə verdiyi tapşırıq və tövsiyələrə uyğun olaraq mütəmadi olaraq qəbulların keçirildiyini bildirən sədr müavini bu görüşlərin artıq ənənəvi hal aldığını bildirib.
Bizi Telegram-da izləyin...
