Elvin Basqallı bu kanalda yenidən efirə QAYIDIR
Məşhur aparıcı Elvin Basqallı yenidən efirlərə qayıdır.
Redaktor.az xəbər verir ki, o bundan sonra"Space" kanalında yayımlanacaq "İşgüzar Azərbaycan" verilişinin aparıcısı olacaq.
Veriliş Azərbaycanda və dünyada baş verən ən vacib iqtisadi yenilikləri geniş tamaşaçı kütləsinə çatdırıb, ölkənin iqtisadi mənzərəsini əks etdirən məlumatlandırıcı və maarifləndirici proqram xarakteri daşıyır. Həftə içi beş gün yayımlanacaq.
Qeyd edək ki, Elvin Basqallı bundan əvvəl "ANS", "ATV", "Space", "Xəzər" televiziya kanallarında müxtəlif vəzifələrdə çalışıb.
Tanınmış aparıcı bir vaxtlar "Space" kanalının xəbər siması hesab olunurdu.
Hazırda o, "Azəristiliktəchizat" ASC-də mətbuat katibi vəzifəsində çalışır (manset.az).
Bizi Telegram-da izləyin...
