Meqa Həyat sığorta şirkəti "Güvənli Həyat" sığorta məhsulunu istifadəyə verdi
Azərbaycanın aparıcı həyat sığortası şirkətlərindən olan “Meqa Həyat Sığorta” ASC müştərilərinə yeni və innovativ məhsullar təqdim etməyə davam edir. Şirkət bu dəfə “Güvənli Həyat” adlı yeni könüllü sığorta məhsulunu istifadəyə verib. Bu məhsul fərdi şəxsləri istənilən səbəbdən ölüm və sağalmaz kritik xəstəliklər risklərindən sığortalamaqla, həyatın gözlənilməz anlarına qarşı etibarlı qoruma təmin edir.
Şirkətin İctimaiyyətlə əlaqələr xidmətindən verilən məlumata görə, “Güvənli Həyat” məhsulunun əsas məqsədi müştərilərə və onların yaxınlarına daha güvənli və təminatlı bir həyat təklif etmək, həyatın xoşagəlməz anlarında müştərilərə maliyyə dəstəyi və psixoloji rahatlıq bəxş etməkdir.
“Güvənli Həyat” sığorta məhsulunun əsas üstünlükləri:
- Minimal sığorta haqqı ilə maksimum təminat: 40 yaşlı şəxs yalnız 36 manat ödəməklə 10.000 manat məbləğində sığorta təminatına sahib ola bilər.
- Uşaqlar üçün xüsusi güzəştlər: 18 yaşına qədər uşaqlar üçün sağalmaz xəstəliklərdən 10.000 manat sığorta təminatı yalnız 10 manat sığorta haqqı ilə mümkündür.
- Əhatə dairəsi genişdir: Sığorta məhsulu xərçəng, insult, miokard infarktı, aorto-koronar şuntlama, böyrək çatışmazlığı, iflic və orqan transplantasiyası kimi ağır və sağalmaz xəstəliklər daxil olmaqla, istənilən səbəbdən ölüm riskini tam şəkildə əhatə edir.
Məhsul haqqında daha ətraflı məlumat almaq üçün * 8778 nömrəsi ilə əlaqə saxlaya bilərsiniz.
Qeyd edək ki, Meqa Həyat Sığorta ASC 2021-ci ildə 11 milyon manat nizamnamə kapitalı ilə təsis olunmuşdur. Şirkət Azərbaycan Respublikası Mərkəzi Bankı tərəfindən verilmiş Həyat sığortası üzrə lisenziya əsasında fəaliyyət göstərir. Şirkət eyni zamanda İcbari Sığorta Bürosunun üzvü və Azərbaycan Respublikası İpoteka və Kredit Zəmanət Fondunun ipoteka kreditləri üzrə müvəkkil sığortaçısıdır.
Bizi Telegram-da izləyin...
