İnsan niyə belə şeylər çəksin ki?
Arada bizim vaynerlərin, yutuberlərin, nə bilim internet rejissorlarının çəkdiyi qısa filmlərə maraqla baxıram. Əyləncə, sosial mesaj, gəncliyin maraq dairəsi və s. baxımından diqqətimi çəkir.
Lakin bunlardan ikisini - "Viktoriya" və "Ayıq sürücü"nü izləyəndə heyrət elədim.
İnsan niyə belə şeylər çəksin ki?
Pul üçün?
Yəni doğrudanmı az-çox pul qazanılması mümkün olan bu sahədə belə biabırçılıqlardan savayı yol yoxdur?
Var axı!
Bir qədər az qazanmaq da olar, adı-reputasiyanı mütləq gözləmək lazımdır.
Tərs kimi hər ikisində şəxsən tanıdığım və çox sevdiyim gözəl aktyorlar çəkilib...
Xülasə, "Viktoriya"ya baxanda bu qənaətə gəldim: qumar sarsaq şeydir, amma hamilə arvadını qullanıb qardaşını vəziyyətdən çıxara bilərsən...
"Ayıq sürücü"nün mesajı isə lap amansızdır: ananıza tez-tez baş çəkin, yoxsa tutub onu...
Tövbə-əstəğfrüllah!
Şərif Ağayar,
yazıçı
Bizi Telegram-da izləyin...
