Şəhidimiz Tovuzda dəfn edildi - FOTO
Birinci Qarabağ müharibəsində itkin düşmüş Ələsgərov Fuad Cəfər oğlunun nəşinin qalıqları bu gün Tovuz rayonunda ailəsinə təhvil verilib.
Redaktor.az xəbər verir ki, rayonun Ağbaşlar kəndində şəhidlə vida mərasimi keçirilib.
Vida mərasimində Tovuz Rayon İcra Hakimiyyətinin başçısı Məmməd Məmmədov, şəhidin ailə üzvləri, yaxınları, rayon İcra Hakimiyyətinin əməkdaşları, hüquq-mühafizə orqanlarının rəhbərləri, ictimaiyyət nümayəndələri iştirak ediblər.
Vida mərasimindən sonra şəhidin qalıqları Ağbaşlar kənd qəbiristanlığında torpağa tapşırılıb.
Hərbi orkestr Dövlət Himnini ifa edib, yaylım atəşi açılıb.
Qeyd edək ki, Ələsgərov Fuad Cəfər oğlu 1974-cü ildə Tovuz rayon Ağbaşlar kəndində anadan olub. 1993-ci ildə Füzuli rayonu ərazisində itkin düşüb (APA).
Bizi Telegram-da izləyin...
