Bu marşrut üzrə qatarlar yay qrafikinə keçəcək
10 iyuldan etibarən ADY-nin Abşeron dairəvi dəmir yolu marşrutu üzrə hərəkət edən sərnişin qatarları yay qrafikinə keçəcək.
Bu barədə Redaktor.az-a “Azərbaycan Dəmir Yolları” QSC-dən məlumat verilib.
Bildirilir ki, həftənin iş günlərində dairəvi marşrut üzrə reyslərin sayı müvəqqəti olaraq 10 reys azaldılacaq.
"Yay qrafikinə keçidin məqsədi 2025/2026-cı il tədris ilinə hazırlıq işlərinin görülməsi, bu xətt üzrə infrastrukturun sağlamlaşdırılması, hərəkət təhlükəsizliyinin davamlı təmin edilməsi və qatarlarda müəyyən təmir işlərinin aparılmasıdır", - qurumdan qeyd edilib.
Bizi Telegram-da izləyin...
