Azərbaycanda professor vəfat ETDİ
Kimya elmləri doktoru, professor Müslüm Əhməd oğlu Qurbanov dünyasını dəyişib.
Redaktor.az xəbər verir ki, alimin ürək çatışmazlığından vəfat etdiyi bildirilir.
Qeyd edək ki, Müslüm Qurbanov 1951-ci ildə Biləsuvar rayonunun Təzəkənd kəndində anadan olub. O, Ağalıkənd kənd orta məktəbini bitirib.
Elmi fəaliyyətini kimya sahəsinə həsr edən Müslüm Qurbanov 2013-cü ildə "Nüvə kimyası" ixtisası üzrə professor elmi adına layiq görülüb.
Alimin elmi rəhbərliyi ilə 8 nəfər fəlsəfə doktoru, 2 nəfər isə elmlər doktoru alimlik dərəcəsi alıb. O, nüvə kimyası sahəsində çoxsaylı monoqrafiya, kitab və elmi əsərlərin müəllifidir (oxu.az).
Bizi Telegram-da izləyin...
