90 yaşlı kişi koronavirusdan sağaldı

 10:25 26.07.2020     7082

Sumqayıtdakı 1 nömrəli şəhər xəstəxanasına çox ağır vəziyyətdə gələn daxil olan 90 yaşlı xəstə Əfqan Əsgərov koronavirusdan sağalaraq evə buraxılıb.

Redaktor.az Baku TV-yə istinadən xəbər verir ki, 90 yaşlı Əfqan Əsgərov vəziyyətinin pis olduğunu görərək xəstəxanaya müraciət edib. Həmin zaman məlum olub ki, o, COVID-19 virusuna yoluxub.

16 gün ərzində müalicə alan yaşlı kişi artıq özünü yaxşı hiss etdiyini deyir.

Əfqan Əsgərovu müalicə edən və Rusiyadan dəvət olunan həkim Alim Hüseynov isə xəstənin qəbulu zamanı onun vəziyyətinin orta-ağır olduğunu deyib. Müalicələrdən sonra isə onun tam sağaldığını bildirir.