Çimərliklərin açılması yoluxmanı artıra bilərmi? - AÇIQLAMA

 15:39 04.08.2020     12153

Avqustun 5-dən Azərbaycan Respublikası Ekologiya və Təbii Sərvətlər Nazirliyi, Fövqəladə Hallar Nazirliyi və Bakı Şəhər İcra Hakimiyyəti tərəfindən karantin rejiminin tələblərinə uyğun müəyyən edilən qaydalar çərçivəsində ölkə üzrə çimərliklərin istifadəsinə icazə veriləcək.

Bəs, çimərliklərin açılması koronavirusa yoluxanların sayını yenidən artıra bilərmi?

Məsələ ilə bağlı Redaktor.az-a açıqlama verən ölkənin baş infeksionisti Cəlal İsayev bildirib ki, təyin olunmuş qaydalara əməl olunsa, artım müşahidə olunmaz:

“Əgər insanlar çimərlikdə qorunma tədbirlərinə, gigiyena qaydalarına əməl edərlərsə, heç bir təhlükə yaşanmaz.

Amma qorunma tədbirlərinə əməl olunmasa, əlbəttə ki, yoluxma sayı yenidən artacaq.

Dəniz suyunda virusun yayılma ehtimlı çox aşağıdır, bu, ancaq sahildə yaşana bilər ki, bunun da qarşısını insanlar qaydalara əməl edərək ala bilər”.

Mahir Xəttab \ Redaktor.az