Qalmaqallı toya qatılan deputatla bağlı RƏSMİ AÇIQLAMA

 13:04 28.08.2020     1415

AMEA-nın müxbir üzvü, professor Bəxtiyar Əliyev öz ərizəsi ilə Bakı Dövlət Universitetinin (BDU) Psixologiya kafedrasının müdiri vəzifəsindən azad edilib.

Bu barədə Redaktor.az-a BDU-nun mətbuat katibi Günel Orucəliyeva məlumat verib. O bildirib ki, bu məsələ bir neçə ay bundan öncə baş verib:

“Parlament seçkilərindən sonra professor Bəxtiyar Əliyev Azərbaycan Respublikası Milli Məclisinin Elm və təhsil komitəsinin sədri təyin olunduqdan sonra qanunvericiliyə uyğun olaraq öz ərizəsi ilə kafedra müdiri vəzifəsindən azad olunub.

Bununla belə, professor Bəxtiyar Əliyev BDU ilə sıx əməkdaşlıq edir. O, BDU-nun Elmi Şurasının üzvüdür”.

Xatırladaq ki, bəzi saytlarda Bəxtiyar Əliyevin də Azərbaycan Milli Elmlər Akademiyasının prezidenti, akademik Ramiz Mehdiyevin nəvəsinin toyunda iştirak etdiyi və bu səbəbdən onun BDU-da kafedra müdiri vəzifəsindən azad edildiyi yazılıb. O isə açıqlamasında yazılanların həqiqətəuyğun olmadığını bildirib. //

Yaponiyanın Baş naziri istefa verdiyini AÇIQLADI

 12:41 28.08.2020     1753

Yaponiyanın Baş naziri Şinzo Abe istefa verdiyini rəsmən elan edib.

Redaktor.az xəbər verir ki, siyasətçinin gedişinin səbəbi səhhətindəki problemlərdir.  

Qeyd edək ki,  2007-ci ildə də  xəstəliyin kəskinləşməsi səbəbindən Baş nazir vəzifəsindən getmişdi. 2012-ci ildə isə Şinzo Abe yenidən seçkidə qalib gəldi və o zamandan  Yaponiya hökumətinə rəhbərlik edib.

Sevda Əliyeva / Redaktor.az