TƏBİB-dən xalq artistinə CAVAB: BU MƏSƏLƏYƏ BİZ BAXMIRIQ
Xalq artisti Tünzalə Ağayeva bir neçə gün əvvəl sosial şəbəkə hesabından TƏBİB-ə müraciət edərək, karantin rejimi ilə əlaqədar tətbiq olunan qadağalardan şikayət etmişdi.
O, Azərbaycan musiqiçilərinin aylardır işsiz qaldığını, bu səbəbdən də maddi sıxıntılar çəkdiyini bildirib.
Məsələ ilə bağlı Redaktor.az-a açıqlama verən Tibbi Ərazi Bölmələrini İdarəetmə Birliyinin (TƏBİB) İctimaiyyətlə əlaqələr və marketinq şöbəsinin əməkdaşı Elnarə Baxış karantin rejimində tətbiq olunan qadağaların TƏBİB-in müəyyənləşdirmədiyini bildirib:
“Karantin rejiminin qaydalarını birmənalı şəkildə TƏBİB müəyyənləşdirmir. Bu istiqamətdə qərarları Nazirlər Kabineti yanında Operativ Qərargah tətbiq edir”, - deyə E.Baxış bildirib.
Mahir Xəttab \ Redaktor.az
Bizi Telegram-da izləyin...
