Tovuzda torpaq sürüşməsi - Kənd yolu qismən bağlanıb / FOTO
Havaların yağıntılı keçməsi Tovuzun Qaralar kəndində torpaq sürüşməsinə səbəb olub.
Redaktor.az-ın məlumatına görə, Tovuz rayon Qaralar kəndinin dağlıq ərazisində torpaq sürüşməsi olub.
Nəticədə iri qaya parçaları və torpaq kütləsi kənd yoluna tökülüb. Bu səbəbdən gediş-gəlişdə qismən çətinlik yaranıb. Hazırda yaranmış fəsadın aradan qaldırılması istiqamətində işlər aparılır.
Qeyd edək ki, son günlər bölgədə yağıntılı hava şəraiti müşahidə olunur.
Bizi Telegram-da izləyin...
