Azərbaycan millisi Türkiyədə - FOTO
Futbol üzrə Azərbaycan millisinin üzvləri Türkiyənin Antalyaya gedib.
Redaktor.az xəbər verir ki, buna səbəb mayın 27-də Azərbaycan və Türkiyə yığmaları arasında keçiriləcək yoxlama görüşüdür.
Görüş Bakı vaxtı ilə saat 21:00-da Alanya stadionunda baş tutacaq.
Bu günə qədər onların arasında keçirilən yeddi oyundan beşində Türkiyə millisi, birində isə Azərbaycan qalib gəlib. İki komanda arasında heç-heçə ilə bitən yeganə görüş 12 aprel 2006-cı ildə Bakıda keçirilib.
Türkiyə və Azərbaycan son dəfə 11 oktyabr 2011-ci ildə görüş keçiriblər. AVRO-2012-nin seçmə mərhələsində “Türk Telekom Arena”da baş tutan qarşılaşmada ay-ulduzlular Burak Yılmazın qolu ilə 1-0 qələbə qazanıb.
Qeyd edək ki, bu, Türkiyə millisinin AVRO-2020 öncəsi ilk hazırlıq qarşılaşmasıdır. //Oxu.az
Bizi Telegram-da izləyin...
