Hazırda "Space TV"-də nə baş verir? - SON DƏQİQƏ
“Space” teleradio şirkətinə yeni rəhbər gətirilən Müşfiq Hətəmov televiziyada ciddi dəyişikliklər etməyə başlayıb.
Redaktor.az-;n məlumatına görə, M.Hətəmov kanalın heyətini az qala, tamamilə dəyişmək qərarına gəlib. Belə ki, 15 ildir “Space TV"-də icraçı direktor vəzifəsində çalışan Kamil Şahverdiyevin yerinə ATV-nin vitse-prezidenti vəzifəsində işləmiş Rauf Dadaşovun gətiriləcəyi deyilir.
Kanaldan aldığımız məlumata əsasən, R.Dadaşov ya icraçı direktor, ya da proqramlar şöbəsinə rəhbərlik edəcək.
Artıq o, bir neçə dəfə “Space”ə gələrək vəziyyətlə tanış olub. R.Dadaşovun K.Şahverdiyevin işlərini tam təhvil verməsindən sonra vəzifəsinin icrasına başlayacağı gözlənilir.
Eyni zamanda, iyunun 15-dən etibarən işçilərin əksəriyyətinin öz hesabına məzuniyyətə yola salınacağı deyilir. Bununla da, ənənəvi proqramların yayımı dayandırılacaq. İki aylıq fasilədən sonra televiziya yeni formatda, yeni işçilərlə yayıma başlayacaq. //Qafqazinfo.az
Bizi Telegram-da izləyin...
