Qeyri-sabit hava şəraiti davam edəcək

 12:34 07.09.2021     63

Ölkə ərazisində müşahidə olunan qeyri-sabit hava şəraiti sentyabrın 8-i gündüz saatlarınadək davam edəcək.

Bu barədə Redaktor.az-a ETSN Milli Hidrometeorologiya Xidmətindən bildirilib.

Məlumata görə, bəzi yerlərdə şimşək çaxacağı, arabir yağış yağacağı gözlənilir. Gecə saatlarında Böyük Qafqazın və Lənkəran-Astara zonasının bəzi yerlərində intensiv və güclü olacağı ehtimalı var. Sentyabrın 8-də axşama doğru yağıntılar tədricən kəsiləcək.

Güclü şimal-qərb küləyi ayın 8-i səhər saatlarından tədricən mülayimləşəcək.