Tibb işçilərinin sertifikasiyasına 18 yeni ixtisas əlavə edildi
Azərbaycanda tibb işçilərinin sertifikasiyasında dəyişikliklər edilib.
Redaktor.az-ın məlumatına görə, bunu Səhiyyə Nazirliyi Sertifikasiya Mərkəzinin rəhbəri Murad Mirzəzadə deyib.
Mərkəz rəhbəri qeyd edib ki, Nazirlər Kabineti ixtisasların təsnifatında dəyişiklik edib:
"Bu prosesə 18 yeni ixtisas əlavə olunub. Buna görə qərar verildi ki, ixtisaslar üzrə sertifikasiya imtahanı üçün suallar hazırlansın. Hazırda bununla bağlı iş gedir”.
O bildirib ki, sertifikasiyada sınaq imtahanları tətbiq edilib:
"Şəxs gəlib sınaq imtahanından keçəndən sonra imtahana buraxılır. Bu imtahanda şəxs nədənsə çətinlik çəkirsə, bunun üçün bizdə kurslar təşkil olunur. Həmin kursdan sonra şəxs imtahan verə bilər".
Bizi Telegram-da izləyin...
