AQTA Goranboyda xurma bağlarında fitosanitar müşahidələr apardı

 18:18 28.09.2021     202

Azərbaycan Respublikasının Qida Təhlükəsizliyi Agentliyi (AQTA) respublika ərazisində karantin obyekti olan zərərli orqanizmlərin yayılmasının qarşısının alınması və mübarizə tədbirlərinin təşkili məqsədilə fitosanitar monitorinqləri davam etdirir.

Redaktor.az xəbər verir ki, Agentliyin İnformasiya təminatı və innovativ həllər şöbəsindən verilən məlumata görə, AQTA-nın fitosanitar müfəttişləri tərəfindən Gəncə regional bölməsinin inzibati ərazi vahidinə daxil olan Goranboy rayonunda yerləşən xurma bağlarında aparılan monitorinqlər nəticəsində meyvə ağaclarında müxtəlif zərərvericilərlə sirayətlənmə hallarına rast gəlinib.

Aşkar edilmiş zərərli orqanizmlər haqqında təsərrüfat sahiblərinə geniş məlumat verilib, onlara qarşı müvafiq bitki mühafizəsi tədbirlərinin həyata keçirilməsi ilə bağlı zəruri tövsiyələr verilib.