Daha 4 qazimiz Türkiyəyə göndərildi - FOTO
Ağır yaralanan daha 4 qazi “YAŞAT” Fondu tərəfindən Türkiyəyə göndərilib.
Fonddan Redaktor.az-a verilən məlumata görə, həmin qazilər aşağıdakılardır:
1. Əkbərov Xəyal Hüseyn oğlu
2. Məmmədov Azər Arif oğlu
3. Əliyev Kamran Yasir oğlu
4. Duniyev Kamil Əlibala oğlu
"YAŞAT" Fondu tərəfindən Türkiyədən ölkəyə gətirilən, həmçinin yerli həkimlərin rəyi nəzərə alınaraq qazilərin müvafiq müayinə, müalicə və reabilitasiya prosesi Türkiyədə davam etdiriləcək. Fond qazilərin müalicəsini tam yekunlaşana qədər nəzarətdə saxlayacaq. Fond tərəfindən həkim rəyi əsasında ağır yaralı olan qazilərin müalicə üçün xaricə davamlı şəkildə göndərilməsi təmin edilir.
Xatırladaq ki, Fond tərəfindən bu günə qədər 136 qazi müalicə üçün Türkiyəyə göndərilib. Onlardan 90-nın müalicə proseduru artıq uğurla yekunlaşıb və Vətənə qayıdıblar. Qazilərin qarşıdakı aylarda müalicəsi üçün nəzərdə tutulan dərman vasitələri də Fond tərəfindən təmin edilib.
Foto
Bizi Telegram-da izləyin...
