Qazaxda qanunsuz fəaliyyət göstərən ət satışı məntəqələri aşkarlandı

 12:42 10.10.2021     3848

Qida Təhlükəsizliyi Agentliyi istehlakçı hüquqlarının qorunması və qida təhlükəsizliyinin təmin edilməsi istiqamətində tədbirləri davam etdirir.

Redaktor.az Agentliyin İnformasiya təminatı və innovativ həllər şöbəsinə istinadən xəbər verir ki, Qazax rayonunda fəaliyyət göstərən ət satışı məntəqələrində reyd keçirilib.

Reyd zamanı ət satışının antisanitar şəraitdə və baytarlıq ekspertizası aparılmadan həyata keçirildiyi məntəqələr aşkar edilib.

Aşkar olunan faktla bağlı qanunvericiliyin tələbləri çərçivəsində müəssisə rəhbərliyi inzibati məsuliyyətə cəlb edilib (azertag).