Pakistanın Müasir Dillər Universitetinin rektoru ADU-nun tələbələrinə mühazirə oxudu - FOTO

 14:22 14.10.2021     620

Oktyabrın 13-də Azərbaycan Dillər Universitetində Pakistanın Müasir Dillər Universitetinin rektoru Məhəmməd Cəfər tələbələrə mühazirə oxuyub.

Redaktor.az xəbər verir ki, görüşdə Pakistanın mədəni, siyasi, iqtisadi və hərbi gücündən qeyd olunub. Slayd şəklində tələbə və müəllimlərə Pakistanın coğrafi, strateji və beynəlxalq müstəvidə əhəmiyyətindən bəhs edən info-qrafika təqdim olunub. Paksitanın dünyada tutduğu mövqeyi, elmi nailiyyətlərdəki payı haqqında danışan rektor tarixi aspektdən bunun mexanizm və struktur bölmələrindən söz açıb.

Məhəmməd Cəfər öz növbəsində Azərbaycan və Pakistan arasındakı mövcud qardaşlıq münasibətlərindən bəhs edib, iki ölkənin bir-birini hər zaman dəstəklədiyini bildirib, eləcə də Vətən müharibəsindəki qələbə münasibətilə Azərbaycan xalqını təbrik edib. Rektor Müasir Dillər Universitetində Azərbaycan Dil və Mədəniyyət Mərkəzinin açılmasını və Azərbaycan Multikulturalizm fənninin növbəti semestrdən tədris edilməsi planını məmnunluqla qarşılayıb, Mərkəzin açılması ilə bağlı Universitet rəhbərliyi tərəfindən bütün lazımi köməkliyin göstəriləcəyini əminliklə ifadə edib.

Qonaq öz növbəsində Pakistana olan diqqət və qayğıya görə Azərbaycan dövlətinə minnətdarlığını bildirib. Azərbaycanlı tələbələrin Pakistana və digər xarici ölkələrə səfər etməsinə şərait yaradacağını qeyd edib. Rektor vurğulayıb ki, tələbə-müəllim mübadiləsi istiqamətində tədris proqramlarının icrası Pakistanla Azərbaycan arasında mədəni əlaqələrin gücləndirilməsində mühüm əhəmiyyət kəsb edir.  
 

2