Ermənilər Şuşadakı atəşfəşanlığı Xankəndidən belə izlədilər - VİDEO

 11:43 09.11.2021     239

8 noyabr Zəfər Günü münasibətilə Şuşada torpaqlarımızın işğaldan azad edilməsi və şanlı zəfər tariximizə həsr olunan musiqili atəşfəşanlıq olub.

Redaktor.az xəbər verir ki, bu atəşfəşanlıq Şuşanın yaxınlığında olan Xankəndi şəhərindən də müşahidə olunub.

Xankəndidə yaşayan ermənilər bununla bağlı görüntüləri sosial şəbəkədə yayıblar.

Bu görüntülər sözün əsl mənasında dost üçün iftixar, düşmən üçün isə gözdağına çevrilib. Belə ki, Şuşadakı atəşfəşanlıq revanşist fikirli ermənilər üçün əsl işgəncəyə çevrilib desək yanılmarıq. Bunu onların Şuşadakı möhtəşəm görüntüyə verdikləri qəzəbli reaksiyadan da anlamaq olar (oxu.az).