Ermənistanın Azərbaycana qaytardığı əsirlərin sayı AÇIQLANDI
Rusiya sülhməramlılarının iştirakı ilə 2020-ci il dekabrın 2-dən ümumilikdə 122 hərbi əsir və saxlanılan şəxs geri qaytarılıb.
Redaktor.az xəbər verir ki, bu, Rusiya Xarici İşlər Nazirliyinin Qarabağla bağlı 9 noyabr 2020-ci il üçtərəfli bəyanatın imzalanmasının birinci ildönümü ilə bağlı bəyanatında əks olunub.
Qeyd olunub ki, onlardan 105-i Ermənistana, 17-si isə Azərbaycana qaytarılıb: “Öz növbəsində 3 paket minalanmış ərazi xəritəsi Azərbaycan tərəfinə təhvil verilib. Rusiya sülhməramlı kontingenti bölgədə dinc həyatın qurulmasında fəal iştirak edir. Regiona mütəmadi olaraq humanitar yardımlar çatdırılır, ərazilər minalardan təmizlənir. 2020-ci ilin noyabr ayından 1937 bina yoxlanılıb, 2311,5 hektar ərazi və 683 km yol təmizlənib, 26 mindən çox partlayıcı obyekt aşkar edilib”.
Bizi Telegram-da izləyin...
