Ceyhun Bayramov da şeirlə təbrik etdi

Xarici işlər naziri Ceyhun Bayramov Dövlət Bayrağı Günü münasibətilə Azərbaycan xalqını təbrik edib.

Redaktor.az xəbər verir ki, XİN rəhbəri bu barədə tviter hesabında paylaşım edib. O bildirib ki, bu gün Azərbaycanda Dövlət Bayrağı Günü qeyd olunur:

“Bu əlamətdar gün münasibətilə bütün həmvətənlərimizi təbrik edirik! Üçrəngli bayrağımız həmişə qürurla dalğalansın”.

Nazir daha sonra paylaşımına Xalq şairi Bəxtiyar Vahabzadənin “Bayraq” şeirindən kiçik bir hissə əlavə edib:

“Bayraq mənliyimdir, bayraq kimliyim, 
Bayraq-öz yurduma öz hakimliyim”.

Qeyd edək ki, bu gün Türkiyənin xarici işlər naziri Mövlud Çavuşoğlu da Azərbaycanı Bəxtiyar Vahabzadənin şeiri ilə təbrik etmişdi.