"Azyaşlı uşaqları təsir altına sala biləcək təhlükələr var" - DİN rəsmisindən valideynlərə müraciət

 11:16 25.11.2021     332

"Xəbərsiz itkin düşmə hallarının ilə bağlı sosial şəbəkələrdə yayılan məlumatların hər biri yoxlanılır, heç bir iddia kənarda qalmır".

Bunu Redaktor.az-a Daxili İşlər Nazirliyi (DİN) Mətbuat xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev deyib.

"Qız uşaqlarının itkin düşmə halı ilə bağlı xüsusi təsnifat, başqa sözlə, artım indeksi maşahidə edilmir. Bu halların böyük əksəriyyətində valideynlərini məlumatlandırmadan yaxın qohumlarının, tanışlarının yanına getmə hallar var. Ümumən, yaş və cins kateqoriyasından asılı olmayaraq, yağadığı ünvandan çıxan, qayıtmayan şəxslərlə bağlı polisə daxil olan bütün məlumatlar üzrə təxirəsalınmaz axtarış işi açılır.
Valideynlər diqqətli olmalıdır, "övladlarımın bütün zəruri təminatlarını həll edirəm, yaxud oxuduram...", deyib arxayınlaşa bilməz. Çünki sosial şəbəkələr var, dövr fərqlidir - təhdid var, azyaşlı uşaqları təsir altına sala biləcək təhlükələr var. Məhz bu amil diqqətə alınamalıdır", - DİN rəsmisi bildirib.