"Azəriqaz"ın sayca 80-ci "Açıq mikrofon" aksiyası keçirildi - FOTO

 10:20 04.06.2022     149

SOCAR "Azəriqaz" İstehsalat Birliyinin sayca 80-ci "Açıq mikrofon" aksiyası Birliyin Tərtər Regional qaz istismarı İdarəsinin Yevlax xidmət sahəsində baş tutub.

Qurumdan Redaktor.az-a verilən məlumata görə, görüşdə ümumilikdə 21 vətəndaşın qaz təchizatı ilə bağlı problemi dinlənilib.

Çıxış edənlər əvvəlcədən ödənişli (smart-kart tipli) sayğacın quraşdırılması, qaz sayğacının və küçə qaz xəttinin yerinin dəyişdirilməsi, işə qəbul, fərdi yaşayış evinin qazlaşdırılması, əhali və qeyri-əhali abonentləri üzrə istehlak olunan təbii qaza görə yaranan debitor borca görə köməklik edilməsi, qaz xəttinin qoşulması ilə bağlı müraciətlər ediblər. Ünvanlanan hər bir müraciət "Azəriqaz" İB-nin Tərtər RQİİ-nin rəisi Azay Muxtarov tərəfindən cavablandırılıb. Daxil olan müraciətlərin nəzarətə götürüləcəyi qeyd edilib.

2222222