Abşeron sakinləri qazın təzyiqindən şikayət etdilər - FOTO

 18:44 15.07.2022     1332

"Şıxəli Qurbanov küçəsində təzyiqin bəzi vaxtlarda zəif olmasının səbəbinin aydınlaşdırılmasını və aradan qaldırılmasını sizdən xahiş edirəm".

Redaktor.az xəbər verir ki, bu sözləri qeyd olunan küçədə yaşayan Mustafa Səfərov  SOCAR "Azəriqaz" İstehsalat Birliyinin paytaxtın Abşeron rayonunda baş tutan növbəti "Açıq mikrofon" aksiyası zamanı bildirib.

"Azəriqaz" İB-nin Şikayətlərin araşdırılması şöbəsinin rəisi İbrahim Kərbalayev ünvanlanan bu müraciətin araşdırılması ilə bağlı tapşırıq verərək, aksiyaya qatılan sakinlərin qaz təchizatıyla bağlı qarşılaşdıqları problemləri rahatlıqla səsləndirmələrini xahiş edib. Görüş zamanı qaz sayğacının quraşdırılması, işə qəbul və s. kimi müraciətlər ünvanlanıb.

Aksiyada “Azəriqaz” İB-nin məsul şəxsləri ilə yanaşı, Abşeron Rayon İcra Hakimiyyətinin və Kiçik və Orta Biznesin İnkişafi Agentliyinin nümayəndələri də iştirak ediblər. Səsləndirilən bütün müraciətlər araşdırılması üçün qeydiyyata alınıb.

2222