Bakı beynəlxalq aeroportunda gərginlik - VİDEO

 11:57 16.07.2022     379

Bakı beynəlxalq aeroportundan Bodruma uçmalı olan AZAL təyyarəsinin reysi gecikir. 

Bununla bağlı sərnişinlər sosial şəbəkələrdə görüntülər yayıblar. İddia olunub ki, sərnişinlərə xəbərdarlıq etmədən Bakı-Bodrum reysinin vaxtı dəyişdirilib.

Məsələ ilə bağlı "Azərbaycan Hava Yolları" QSC-nin Mətbuat xidmətindən Redaktor.az-a bildirilib ki, aviaşirkətin J2-023 nömrəli Bakı-Bodrum reysinin uçuş saatı texniki səbəblərə görə gecikir: 

"Sözügedən reysin sərnişinləri Bodruma digər təyyarə ilə yola düşəcəklər.

Gecikmiş reysin sərnişinləri aviaşirkətin qaydalarına uyğun olaraq içkilər və qidalanma daxil olmaqla bütün lazımi vasitələrlə təmin ediləcək".