"Subyektiv süjetdir" - AMEA-dan AzTV-yə CAVAB
Xəbər verdiyimiz kimi, AzTV Azərbaycan Milli Elmlər Akademiyasının (AMEA) fəaliyyəti barədə süjet hazırlayıb.
Redaktor.az xəbər verir ki, süjetdə qurumun fəaliyyəti sərt şəkildə tənqid olunub.
“Qocaman elm ocağında qocalaşma prosesi: AMEA-da işçilərin yaşından başqa heç nə dəyişməyib” adlı sujet sosial şəbəkələrdə maraqlı müzakirələrə səbəb olub. Müzakirələrdə AzTV-nin AMEA-ya ünvanlanan sərt tənqidlərinin haqlı olduğu, Akademiyanın fəaliyyətinin Azərbaycan cəmiyyətinə fayda vermədiyi bildirilir.
AMEA-nın mətbuat katibi Azadə Balayeva "modern.az"a açıqlamasında Azərbaycan Milli Elmlər Akademiyası haqqında səslənən iradlara şərh verməyə əsas olmadığını deyib.
“AMEA-da qoca da, cavan da var. Süjet subyektivdir. Bu məsələni şərh etməyə xüsusi bir əsas görmürəm. Dünyanın hər yerində yaşlı elm adamları var”, - deyə A.Balayeva vurğulayıb.
Bizi Telegram-da izləyin...
