Azərbaycanda general VƏFAT ETDİ - FOTO
Fövqəladə hallar nazirinin müavini, daxili xidmət general-leytenantı Nazim Məmmədov vəfat edib.
Redaktor.az xəbər verir ki, uzun müddətdir müalicə alan general bu gün vəfat edib.
Məlumatı Nazirlikdən təsdiq ediblər.
Qeyd edək ki, Nazim Məmmədov 8 oktyabr 1951-ci ildə Naxçıvan Muxtar Respublikasının Ordubad rayonunda anadan olub.
Əmək fəaliyyətinə 1973-cü ildə Ordubad şəhərində başlayıb. 1976-1995-ci illərdə Ordubad şəhərində müxtəlif təşkilatlarda işləyib.
1995-ci ildən Azərbaycan Respublikası Dövlət Gömrük Komitəsində çalışıb. 1999-cu ildə isə "Təfəkkür” Universitetinin hüquq fakultəsini bitirib. 2007-cı ilin dekabrından 2022-ci ilin yanvarına qədər Dövlət Gömrük Komitəsinin sədr müavini, gömrük xidməti general-leytenantı olub.
Ailəlidir, 3 övladı var.
Allah rəhmət eləsin!
Bizi Telegram-da izləyin...
