İqtisadçı olmaq istəyən 10-cu sinif şagirdi vəfat etdi

 21:43 07.09.2022     466

Azərbaycanda 10-cu sinif şagirdi vəfat edib.

Redaktor.az xəbər verir ki, bu barədə Cəbrayıl rayon Xanış Rüstəmov adına Yuxarı Mərcanlı kənd tam orta məktəbi sosial şəbəkə hesabında məlumat verib.

Bildirilib ki, məktəbin 10-cu sinif şagirdi İba Zahid oğlu Həmzəyev bu gün dünyasını dəyişib.

Qeyd edilib ki, mərhum şagird sağalmaz xəstəlikdən əziyyət çəkirmiş.

“İqtisadçi olmaq, özünün xeyriyyə idarəsini qurub ehtiyacı olanlara, kimsəsizlərə kömək etmək istəyirdi. Əlindən gələn qədər deyil, daha artıq çalışıb daha çox kömək etmək fikrində idi”, - deyə paylaşımda qeyd edilib.

Qeyd edək ki, adı çəkilən məktəb Biləsuvar rayonunda yerləşən köçkün şəhərciyində fəaliyyət göstərir.