İtkin düşən yeniyetmə istixanada TAPILDI

 14:40 21.09.2022     144

Bakıda itkin düşən yeniyetmə tapılıb.

Redaktor.az xəbər verir ki, bu barədə Daxili İşlər Nazirliyi mətbuat xidmətinin əməkdaşı, polis leytenantı Nurlan Əliyev bildirib.

Onun sözlərinə görə, Suraxanı rayonu, Hövsan qəsəbəsində 16 yaşlı Mumcu Vüsal Kərəm oğlunun itkin düşməsi ilə bağlı axtarış işləri keçirilib:

“Suraxanı Rayon Polis İdarəsi 30-cu Polis Bölməsi əməkdaşlarının keçirdikləri axtarış tədbirləri ilə V.Mumcu tapılaraq ailəsinə təhvil verilib”.

Mumcu Vüsal Kərəm oğlu itkin düşdüyü 15 gün ərzində dostu ilə birgə istixanalardan birində işləyib. O, bu müddət ərzində elə həmin istixanada gecələyib.