Karantin rejimi ləğv edilə bilər? - İnfeksionist: "Quru sərhədlər açılarsa...”
“Azərbaycanda pandemiya ilə bağlı vəziyyət hal-hazırda sabitdir. Amma Avropada müəyyən artımlar var. Ona görə də bizdə də havalar soyuduqca bir qədər artımların olacağı gözləniləndir. Lakin təbii ki, artıq əvvəlki kimi düşünmürük".
Bunu Redaktor.az-a infeksionist Mərdan Əliyev deyib.
"Payız mövsümündə pandemiyanın alovlanacağını gözləyirdik, amma indi hal-hazırda daha yumşaq, mülayim getməsi gözlənilir. Yəni əlbəttə ki, bu, hər hansı bir məhdudlaşdırmalara səbəb olmayacaq və karantin qaydalarının sərtləşdirilməsi gözlənilmir”.
Noyabrın 1-dən ölkəmizdə karantin rejiminin ləğv edilməsi və quru sərhədlərin açılıb-açılmayacağına gəlincə, infeksionist bildirdi ki, sərhədlərin bu günə qədər açılmamasında başqa səbəblər də ola bilər:
“Hər halda bəlkə virusun tam bitməsi gözlənilir ki, sonra sərhədlər açılsın. Amma sərhədlərin açılması ilə bağlı epidemioloji baxımdan problem görünmür”.
Həmidə İbrahimova
Bizi Telegram-da izləyin...
