ABŞ-da 82 müsəlman namizəd seçkilərdə qalib gəldi
Noyabrın 8-də ABŞ-da keçirilən aralıq seçkilərində milli və əyalət səviyyəsində 82 müsəlman əsilli namizəd rəqiblərini geridə qoyaraq qalib gəlib.
Redaktor.az xəbər verir ki, bu barədə "Jetpack" Resurs Mərkəzi və Amerika-İslam Münasibətləri Şurası (CAIR) məlumat yayıb.
Bildirilib ki, bu, ölkə tarixində ən böyük rəqəmdir və əvvəlki rekord 2020-ci ildə 71 müsəlman namizədlə qeydə alınıb.
Konqres seçkilərində Minnesotadan İlhan Ömər, Miçiqandan Rəşidə Tlaib və İndianadan Andre Karson Demokratlar Partiyasından yenidən seçilərək qanunverici orqandakı yerlərini qoruyub.
Bizi Telegram-da izləyin...
