Bakıda “İran nemətləri” satılan mallar fars dilində markalanıb

 20:38 06.01.2023     190

Bakıda Azərbaycan Qida Təhlükəsizliyi Agentliyinin (AQTA) əməkdaşları "İran nemətləri" mağazasında Azərbaycan dilində markalanmamış məhsullar aşkar edib.

Redaktor.az xəbər verir ki,, Yasamal rayonu, Z.Əhmədbəyov küç., ev 7-də yerləşən bu obyektdə qida təhlükəsizliyi qeydiyyatına dair çıxarışın olmaması, obliqat qrupuna daxil olan işçilərin ilkin və dövri tibbi müayinədən keçməməsi və Azərbaycan dilində markalanması olmayan məhsulların satıldığı aşkarlanıb.

Qeyd edək ki, AQTA əməkdaşlarının yanvarın 5-də keçirdiyi monitorinqlər zamanı ümumilikdə 24 müəssisədə nöqsanlar müəyyən olunub. Aşkar edilmiş nöqsanlarla bağlı qanunvericiliyin tələblərinə uyğun müvafiq tədbirlər görülüb.