Qız qalasının qarşısındakı körpü təmirə bağlandı

 17:46 17.01.2023     131

Qız qalasının qarşısında yerləşən körpü təmir işləri üçün bağlanıb.

Redaktor.az xəbər verir ki, bu barədə “İçərişəhər” Dövlət Tarix-Memarlıq Qoruğu İdarəsinin İdarə Heyətinin sədri Şahin Seyidzadə feysbukda məlumat verib.

Aparılan təmir işləri ilə əlaqədar olaraq körpü üzərində piyadaların hərəkəti məhdudlaşdırılacaq.

Məlumata görə, körpünün aşırımlarının bərpasının 10 fevral tarixinə qədər yekunlaşdırılması nəzərdə tutulub.