FHN-in göndərdiyi növbəti humanitar yardımı Kahramanmaraşa çatdı
Türkiyədə baş vermiş güclü zəlzələnin fəsadlarının aradan qaldırılması ilə əlaqədar Azərbaycanın Fövqəladə Hallar Nazirliyinin (FHN) qardaş ölkəyə göndərdiyi növbəti humanitar yardımı - 16 ədəd xüsusi təyinatlı nəqliyyat vasitəsi Kahramanmaraş şəhərinə çatıb.
Redaktor.az xəbər verir ki, avtomobil karvanı Türkiyənin Fövqəladə Halların İdarə Olunması Agentliyinin (AFAD) şəhər ərazisində yerləşən Təhsil Mərkəzinə gəlib.
FHN-in polkovniki Şəmsəddin Əmrahov bildirib ki, humanitar yardım paketinə 830 dəst çadır, 279 ədəd soba daxildir.
Qeyd edək ki, Azərbaycan Prezidenti İlham Əliyevin tapşırığına uyğun olaraq, Türkiyədə baş vermiş zəlzələ ilə bağlı qardaş ölkəyə gedən Azərbaycanın FHN-in hazırda 758 heyəti zəlzələnin fəsadlarının aradan qaldırılması istiqamətinə cəlb edilib.
Bizi Telegram-da izləyin...
