"Azəriqaz" Şəmkirdə "Açıq mikrofon" qurdu - FOTO
Sayğac və qaz xətlərinin yerinin dəyişdirilməsi, yeni yaşayış massivinin qazlaşdırılması və digər məsələlər "Açıq mikrofon"da
Redaktor.az xəbər verir ki, "SOCAR "Azəriqaz" İB-nin bölgələrdə keçirdiyi aksiyanın məqsədi abonentlərin qaz təchizatında üzləşdiyi problemlərin həll edilməsidir.
"Səyyar qəbul otağı" həm də Birliklə vətəndaşlar arasında əlçatanlığı daha da artırır". Bunu Şəmkir RQİİ-nin rəisi Elman Qənbərov "Açıq mikrofon" aksiyasında bildirib. Daha sonra mikrofon sakinlərin ixtiyarına verilib. İlqar Həsənov qaz xəttinin, Rəfiqə İsgəndərova ilə Elxan Əsgərov isə fərdi yaşayış evlərində qaz sayğacının yerinin dəyişdirilməsini xahiş ediblər. Aşağı Seyfəli kəndindən qatılan 6 sakinin istəyi isə yeni salınmış yaşayış massivində küçə qaz xətlərinin çəkilməsindən ibarət olub. İstər mikrofon önündə, istərsə də mikrofondan kənar edilən hər bir müraciət aidiyyəti üzrə yönləndirilməsi üçün qeydiyyata alınıb.
Bizi Telegram-da izləyin...
