"Azəriqaz" rəhbərliyi Tovuz sahibkarları ilə görüşdü - FOTO
SOCAR "Azəriqaz" İstehsalat Bİrliyinin sahibkarlarla sayca 61-ci görüşü Tovuz rayonunda baş tutub.
Redaktor.az xəbər verir ki, tədbiri giriş sözü ilə açan Şəmkir RQİİ-nin rəisi Elman Qənbərov sahibkarlığın inkişafı istiqamətində dövlətin yürütdüyü siyasətin Birlik tərəfindən hər zaman dəstəkləndiyini bildirib və bunun baris nümunəsi kimi "Açıq mikrofon" aksiyasını misal çəkib. Sahibkarlar önündə çıxış edən KOBİA nüməyəndəsi Nəriman Zamanov SOCAR "Azəriqaz" İB ilə birgə həyata keçirilən bu cür layihələri yüksək qiymətləndirərək sahibkarlığın inkişafı üçün hər zaman dəstəyin davam etdiriləcəyini vurğulayıb.
Düz Qırıqlı, Quşçu və Qovlar kəndindən qatılan sahibkarlar ilk olaraq bu günədək Birliyin onlara yaratdığı şəraitə görə minnətdarlıqlarını ünvanlayıblar. 3 sahibkarın istəyi isə debitor borca görə onlara edilən güzəştlərin bu il də davam etdirilməsi olub. Görüşdə səslənən bu və ya digər müraciətlər aidiyyəti üzrə yönləndirilməsi üçün qeydə alınıb.
Bizi Telegram-da izləyin...
