Süründürməçiliyin qarşısı alınsın - Ombudsman
"Dünya əhalisinin təxminən 1 faizi autizmdən əziyyət çəkir".
Redaktor.az xəbər verir ki, bunu Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva "Fərqli Fərdlər" konqresində çıxışı zamanı deyib.
O bildirib ki, Milli Məclisdə hesabat çıxışı zamanı əlilliyi olan şəxslərlə bağlı bir sıra təkliflər irəli sürüb.
"Orta məktəblərdə şagird sayına uyğun müəyyən edilən mövcud psixoloq ştatların artırılması, peşəkar və ixtisaslaşdırılmış psixoloqların cəlb edilməsi və müəllim-şagird münasibətlərində yarana biləcək mübahisələrin effektiv həlli istiqamətində təhsil sistemində mediasiya institutunun bu və ya digər formada tətbiqi ilə bağlı beynəlxalq təcrübənin öyrənilməsi və tətbiqi, əlillik vəziyyətinin müəyyənləşdirilməsi üçün əyani müayinəyə cəlb olunan şəxslərə qarşı süründürməçilik hallarının qarşısının alınması və s. bu qəbildəndir.
Azərbaycan autizmli insanların həlli vacib olan bir sıra problemlərin aradan qaldırılması üçün "Autizm spektr pozuntusu olan şəxslərə dövlət qayğısı haqqında" Qanunun qəbul edilməsi və onun icrasının səmərəli təmini məqsədilə müvafiq dövlət proqramının hazırlanaraq təsdiq edilməsi məqsədəmüvafiqdir", - deyə Ombudsman qeyd edib.
Bizi Telegram-da izləyin...
