Tez-tez qaydalarıı pozan "Maybach"ın sahibi məlum oldu

 11:42 20.03.2023     232

Bir neçə gündür ki, yol hərəkəti qaydalarını kobud şəkildə pozaraq sərnişin avtobuslarının hərəkətinə maneçilik törədən "AA" seriyalı maşın müzakirələrə səbəb olub.

Redaktor.az xəbər verir ki, jurnalist Samir Feyruzov sözügedən avtomobilin xanım iş adamına aid olduğunu aşkarlayıb:

"Söhbət avtobus zolaqlarının tələblərini pozan 90-AA-013 dövlət nömrə nişanlı "Mercedes-Maybach" markalı lüks avtomobildən gedir. Bu haqda saytlarda da məlumat dərc olunub. Ancaq məsələnin kökünü araşdırmaq lazım idi. Bəs tez-tez yol hərəkəti qaydalarını pozan bu bahalı avtomobil kimindir? Qısa araşdırma apardım. Bəlli oldu ki, 90 AA 013 dövlət nömrə nişanlı avtomobil "Bakı Klinikası"nın sahibi Aytən Quliyevaya məxsusdur. Klinikanın əsl sahibi isə AMEA-nın prezidenti Ramiz Mehdiyevdir. Onu da qeyd edim ki, Azərbaycanın "Diamed-Co" adlı ilk şpris zavodu da A.Quliyevaya məxsusdur".