Deputatın diplomu saxtadır? - "Universitetdə xeyli pulum batdı..."
Milli Məclisini deputatı, Qafqaz Müsəlmanları İdarəsinin sədri Allahşükür Paşazadənin kürəkəni olan Əliabbas Salahzadə saxta diplomu ilə bağlı iddialara münasibət bildirib.
Redaktor.az xəbər verir ki, Ə.Salahzadə demokrat.az-a açıqlamasında dipomunun saxta olmadığını söyləyib:
“Vikipediya səhifəmdə kimsə xəbərim olmadan dəyişiklik aparıb, təhsil aldığım illəri və universitetin adını dəyişib, hazırda bu məsələ ilə bağlı araşdırma aparılır”.
Deputat fəaliyyəti dayandırılmış Azərbaycan Beynəlxalq Universitetində (ABU) təhsil alıb-almaması ilə bağlı məsələyə də aydınlıq gətirib:
“Mən 1997-ci ildə Milli Aviasiya Akademiyasının Beynəlxalq Hüquq fakultəsinə qəbul olub, 2002-ci ildə oranı bitirmişəm. İlk ali təhsilim də bura olub.
1997-ci ildə həm də ABU-ya qəbul olmuşdum, amma cəmi 6-7 ay burada təhsil alıb, sonra təhsilimi yarımçıq buraxmışam. Mən ABU-ya TQDK imtahanı ilə deyil, Beynəlxalq Universitetin öz daxili müsabiqəsi ilə qəbul olmuşdum. O vaxtı ABU-da xeyli pulum da batdı”.
Bizi Telegram-da izləyin...
