Bakıda bu xəstəxanalarda stasionar fəaliyyət dayandırıldı - Çarpayılar ləğv edildi
“Tibbi Ərazi Bölmələrini İdarəetmə Birliyi” publik hüquqi şəxsin 13 mart 2023-cü il tarixli əmrinə əsasən, “Bakı Baş Səhiyyə Mərkəzi” PHŞ-nin strukturuna daxil olan 9, 12, 13, 15, 18, 22, 28, 31 və 32 nömrəli Birləşmiş Şəhər Xəstəxanaları, Zabrat Müalicə-Diaqnostika Mərkəzi, Kürdəxanı Sağlamlıq Mərkəzi və Zirə Müalicə Diaqnostika Mərkəzində stasionar fəaliyyət dayandırılmaqla çarpayı fondunun ləğv edilməsi, yalnız ambulator-poliklinik fəaliyyətinin təmin edilməsi nəzərdə tutulub.
Redaktor.az xəbər verir ki, bu barədə TƏBİB-dən APA-ya bildirilib.
Qeyd edilib ki, məqsəd ilkin səhiyyə xidmətinin təkmilləşdirilməsi və optimallaşdırılması, ambulator-poliklinik fəaliyyətin müasir tələbatlara uyğun şəkildə təşkil olunmasıdır.
Bildirək ki, 12 nömrəli Birləşmiş Şəhər Xəstəxanasının baş həkimi Bəhlul Məmmədov martın 27-də onun əmək fəaliyyətinə çalışmanın yaş həddinə çatması ilə əlaqədar xitam verilib.
Bizi Telegram-da izləyin...
