Səfərbərlik Xidmətinin yeni rəisi kimdir? - Dosye
![](https://img.redaktor.az/news/2023/04/photo_200439.jpg?v=MDU6MTkyMDIzLTA0LTE3IDE0OjIyOjA4)
Xəbər verdiyimiz kimi, Prezident İlham Əliyev Mürsəl Qorxmaz oğlu İbrahimovu Səfərbərlik və Hərbi Xidmətə Çağırış üzrə Dövlət Xidmətinə rəis təyin edib.
Redaktor.az xəbər verir, M. İbrahimov 1970-ci il sentyabrın 20-də Bakı şəhərində anadan olub.
O, 1992-ci ildə Azərbaycan Dövlət Neft və Kimya İnstitutunun Qaz Neft Mədən fakültəsini bitirib.
1992-1997-ci illərdə DİN Mühafizə İdarəsinin Xətai rayon Mühafizə Şöbəsində tağım komandiri, baş inspektor vəzifələrində xidmət aparıb. Daha sonra DİN Daxili Təhqiqatlar İdarəsinin inspektor və baş inspektor vəzifəsində işləyib.
M.İbrahimov 10 ildən artıq Milli Təhlükəsizlik Nazirliyində çalışıb, idarə rəisinin müavini vəzifəsinədək yüksəlib. “Hərbi xidmətlərə ğörə” medalı ilə təltif olunub.
2015-ci ildən sonrakı dövrdə bir sıra özəl şirkətlərdə müxtəlif vəzifələrdə çalışıb.
Son illər “Kapital Bank” ASC Təhlükəsizlik Departamentin direktoru olub (qafqazinfo).