Rabitəbank Şəhid və Qazi ailələrinin övladlarına təhsil haqqı ilə bağlı ianə etdi - FOTO

Rabitəbank Ümummilli Lider Heydər Əliyevin 100 illiyi və Bankın yaranmasının 30 illiyi ilə əlaqədar Milli Qəhrəman Mübariz İbrahimov adına Biləsuvar Bağça-Məktəb-Lisey Kompleksinə ianə edib.

Hər zaman korporativ sosial məsuliyyət layihələri ilə fərqlənən “Rabitəbank” bu dəfə Biləsuvar şəhərində təhsil alan Şəhid və Qazi ailələrinin övladlarını öz diqqət və qayğısı ilə sevindirib.  Belə ki, “Rabitəbank” ASC-nin İdarə Heyəti sədrinin 1-ci müavini Orhan Gültekin təhsil kompleksini ziyarət edərək, orada təhsil alan Şəhid və Qazi ailələrinin övladları ilə görüş keçirib.

Tədbirdə Orhan Gültekin çıxışında bildirib ki, “Rabitəbank rəhbərliyi daima torpaqlarımızın azadlığı uğrunda canından keçmiş şəhidlərimizin ailələri və qazilərimizi də davamlı olaraq nəzarətdə saxlayır, onlara yüksək səviyyədə diqqət-qayğı göstərir. Təsadüfi deyil ki, Ümummilli Lider Heydər Əliyevin 100 illiyi və Bankın yaranmasının 30 illiyi ilə əlaqədar məhz bu gün burada olmağımızın əsas səbəbidə budur və bizə əmanət edilən, gələcəyimiz olan övladlarımızın təhsili ilə yaxından maraqlanmaq və dəstək olmaqdır.”

“Təhsil kompleksimiz yarandığı gündən etibarən keyfiyyətli təhsil, şagirdlərə milli və bəşəri dəyərləri aşılamaq, müstəqil həyata hazır intellektuallar yetişdirmək və s kimi dəyərləri əsas götürüb. Bunun fonunda kompleksdə şagirdlər üçün durmadan yeni imkanlar yaradılır. Bu yolda bizə Rabitəbank hər zaman öz dəstəyini göstərib”  - deyə, kompleksin rəhbəri Aqşin Bağırov bildirib.

Qeyd edək ki, cari tədris ilində Kompleksdə 27 Şəhid övladları, 15 nəfər isə Azərbaycan Respublikası Ərazi Bütövlüyü Uğrunda Əlil olan şəxslərin övladları Bağça-Hazırlıq qrupu və I-XI  sinifləri üzrə təhsil alır.

Bu, Rabitəbankın sözügedən istiqamətdə atdığı ilk addım deyil. Yarandığı gündən etibarən, müxtəlif dövrlərdə təhsil kompleksinə ianələr edərək, buranın şagirdlərinə qayğı göstərib, öz dəstəyini əsirgəməmişdir.

Qeyd edək ki, Rabitəbank bundan öncə Bakının Nardaran qəsəbəsində yerləşən 130 nömrəli məktəbi ziyarət etmiş, təhsilin inkişafı yönündə məktəblilərlə görüş keçirmiş, məktəblərdə təhsilinin inkişafına dəstək göstərərək, xüsusilə qız uşaqlarının oxumağının önəmi mövzusunda maarifləndirmə məqsədilə məktəblilərə 400-dən çox kitab hədiyyə etmişdir.

Bank eləcə də, müxtəlif dövrlərdə işğaldan azad edilmiş ərazilərinin bərpası və yenidən qurulması, inkişaf etmiş regiona çevrilməsi, məskunlaşma, layiqli yaşayış və iqtisadi fəallığın, məcburi köçkünlərin öz torpaqlarına qayıtmasının təminatına dəstək məqsədilə Qarabağ Dirçəliş Fonduna və YAŞAT fonduna ianələr köçürmüşdür.

Bank tərəfindən illərdir həyata keçirilən “Korporativ Sosial Məsuliyyət” proqramı çərçivəsində 1-ci Qarabağ müharibəsində və Vətən müharibəsində iştirak etmiş Qazi və Şəhid ailələri ilə görüş keçirilib və onlara müxtəlif formalarda yardımlar edilib. Bundan əlavə, bank 8 Noyabr – Zəfər günü ilə bağlı hazırladığı və geniş ictimaiyyətə çatdırdığı “Ata vəsiyyəti” adlanan videoçarxında 1-ci Qarabağ müharibəsində Qazi olmuş ataların övladlarını necə vətənpərvər ruhda böyütməsi və onların Vətən Müharibəsində torpaqlarımızın işğaldan azad olması üçün göstərdikləri şücaət tərənnüm olunub.

“Rabitəbank” bu addımın timsalında öz ənənələrinə sadiq qalaraq, bu cür  təşəbbüskar aksiyalarını davam etdirəcək.

Xatırlatmaq istərdik ki, "Rabitəbank" ASC, Azərbaycanın 16 regionu və Bakı şəhərində 27 xidmət məntəqəsi və 74 ATM-i, "Rabita Mobile" tətbiqi, İnternet Bankçılıq platforması və "RabitaBot" çatbotu, 133 nömrəli Çağrı Mərkəzi ilə müştərilərin xidmətindədir. 

Rabitəbank – rahat bankçılıq!